LAOAG CITY – Kinumpirmaran ni Police Senior Inspector Joseph Tayaban, ti chief of Police iti Badoc, Ilocos Norte a nagballigi ti inyuswat da a search warrant operations iti Barangay La Virgen Milagrosa ti nasao nga ili.
Inbatad na a ti nasao a search warrant ket inyuswat da iti balay ni Franklin Guzman ken ti anak na a ni Jeffrey Guzman ti nasao a barangay.
Karaman kadagiti nakumpiskar da ket ti maysa a kalibre 38 armscore ken dua a bala na, maysa nga unit ti kalibre 22, maysa nga homemade a shotgun nga adda ti dua a bala na, walo a bala ti caliber 30 nga adda iti clip na iti garand rifle, 28 a pedaso nga empty shell iti 5.56 caliber, 4 empty shell ti cal. 45 ken innem a bala ti cal.5.56
Segun ken ni Tayaban, itay pay napan a tawen nga adda ti dumandanun kadakuada nga impormasyon nga agik-ikot dagiti agama ti paltog nga awan papeles na.
Malaksid ti daytoy, kuna ni Tayaban a basar ti panagmonitor da ket adda pay dagiti gun for hire manipod iti Sinait, Ilocos Sur a mapmapan iti balay dagiti agama a Guzman.
Inlawlawag ni Tayaban nga awan ti ub-ubing a Guzman iti balay da idi naiyuswat ti operasyon ngem pilaan da latta ti kaso babaen ti regular filling.
