LAOAG CITY – Napukaw ti telebisyon ken ti digital signal receiver ti maysa a signal provider ken sumagmamano a lako iti kantina ti Lusong Elementary School iti Brgy. Baduang idiay ili ti Pagudpud.
Daytoy ti nadiskure ni Mr. Walter Domingo, faculty ti nasao a pagadalan.
Segun kenni Domingo, nadiskubre da iti asawa na a mapukpukaw dagitoy kalpasan a linukatan da ti opisina ti principal itay bigat.
Atapen ni Domingo a napwersar a nalukatan ti kandado ken adda met laeng iti lawlaw ti eskwela ti nagtatakaw.
Inbatad na nga umabot ti 25 a ribo a pisos ti balor dagiti napukaw.
Kunana a basar ti tugot a nakita da ket nataengan ti nagtatakaw.
Immuna iti daytoy, kuna ni Domingo a natakawan manen ti kantina ti pagadalan itay napalabas a lawas.
Nagpanawagan daytoy iti publiko a no adda ti mailako kadakuada a kagamitan kas kadagiti napukaw ket ipakaammo da iti PNP-Pagudpud tapno saan da a mairaman iti kaso.
