LAOAG CITY – Dumanon iti sumurok 115 a ribu a Pilipino ti mairekrekord a matmatay iti kada tawen gapu iti panaginum ti arak, panagsigarilio ken panag-vape.
Daytoy a datos ket basar iti kaudian a panagsukisok nga inwayat ti Institute for Health Metrics and Evaluation’s Global Burden.
Inlawlawag ni Philippine Medical Association President Dr. Hector Santos, rumrummuar a ti panaginum ti arak ti kangrunaan a rason a mairekrekord iti non-communicable diseases.
Naammoan a karaman pay ditoy dagiti aksidente iti kalsada, domestic violence ken dadduma pay a makapadakes nga epekto.
Naduktalan pay iti naisayangkat a panagadal ti sumagmamano a substances nga agbalbalin a rason ti panagadu ti disabilities ken mangkiskissay iti panagbalin a produktibo.
