LAOAG CITY – Nagbakwit ti sumurok-kumurang 1,200 nga indibidual manipud iti maysa a campsite kalpasan ti dua nga agsina a wildfire nga asideg iti maysa a baybay idiay France.
Nupay adda ti pannakakontrol ti uram, agtultuloy ti panagwaras ti maysa pay a wildfire gapu iti saan a nasaayaat a kasasaad ti panawen.
Narigatan dagiti otoridad a makastrek iti lugar a nangitunda ti alisto a panagramram ti uram iti kabakiran.
Inyakar met iti maysa nga evacuation shelter dagiti residente ken turista a naapektaran ti wildfire.
Kabayatanna, agtultuloy a makapaspasar ti nakaro a wildfire ti France ken dadduma a paset ti Europe gapu iti kumarkaro nga heatwave ken panagbaliw-baliw a panawen.
Inbatad ni French Environment Minister Monique Barbut nga adda ti posibilidadna nga umabot iti 15 billion euro wenno sumurok P1 trillion ti balor ti nadadael gapu kadagiti wild fire iti pagilian.
