LAOAG CITY – Manamnama a sumangpet dagiti suplay a face mask ditoy probinsya iti kabiitan a panawen.
Daytoy ti inbatad ni Mr. Dominador Alberto, Senior Trade and Industry Specialist ti Department of Trade and Industry (DTI) ditoy Ilocos Norte.
Segun ken ni Alberto, nagsursur da iti nagduduma a pharmacia idi kalman ken nakumpirmaran da nga awanen ti lako da a face mask.
Nupay kasta, kuna na nga inpasigurado dagiti empleado kadagiti nasao a pharmacia a sumangpet iti mabiit dagiti supply a face mask ngem limitado laeng.
Innayon ni Alberto a saan a dagus a maideliver dagiti face mask gapu ta maymaysa ti manufacturer iti intero a pagilyan.
