LAOAG CITY – Inpakammo ni Police Major Antonio Marzan, ti chief of police ti Philippine National Police iti ili ti Pinili a manarimaan ti pannakaipila ti kaso a frustrated murder kontra ti suspek ti pammagkog iti Barangay Capangdanan iti nasao nga ili.
Segun kenni Marzan, daytoy ket kalpasan a natiliw ti suspek iti naiyuswat nga manhunt pursuit operation dagiti kameng ti pulisya.
Ummuna iti daytoy, nagresponde dagiti otoridad iti nasao a barangay partikular iti pagtaengan ni Jonard Pahinag gapo iti pammagkong.
Inbatad na a dagiti biktima ket ti lalaki nga agtawen ti 20 a residente iti Barangay 12, San Lorenzo iti ili ti San Nicolas ken ti agtawen ti 22 a babai a residente iti Barangay Capangdanan idinto a ti suspek ket agtawen ti 20, mannalon, tubo iti Bukidnon ken agdama nga agnanaed iti Barangay Sta. Rita iti ili ti Bacarra.
Inlawlawag na a basar iti imbestigasyon da ket nagatendar ti pasken iti Barangay Capangdanan dagiti biktima ngem idi manarimaan ti panagkanta da iti Birthday Song, binagkong ti suspek ti biktima a lalaki isut gapo na a naganawa ti babai a rason ti pannakasugat na.
Dagus met a naitaray iti pribado nga ospital dagiti biktima ngem naiyakar iti Mariano Marcos Memorial Hospital and Medical Center.
Kabayatanna, rumrumuar a ti motibo ti krimen ket imon gapo ta rumrumuar a nasinged iti tunggal maysa dagiti biktima.
