LAOAG CITY – Inbutaktak ni New York City Mayor Eric Adams a plano ti suspek iti pammaltog nga agdiretso iti opisina ti National Football League.
Segun iti Mayor a nagbiddot laeng ti suspek a ni Shane Devon Tamura ti sinerrekna nga opisina.
Inusar ti agtawen ti 27 a suspek ti maysa nga AR-15 ken pinaltu-paltoganna dagiti uppat a biktima.
Naammoan a dagiti sumagmamano a natay ket ti empleado ken guardia ti pasdek.
Nangipatulod dagiti otoridad ti New York idiay Las Vegas nga isu ti pagnanaedan ti suspek.
Rimmuar iti imbestigasion dagiti otoridad nga adda ti gura ti suspek iti NFL ngem nagbiddot daytoy iti sinerrekna a pasdek.
Ti ama ti suspek ket maysa a dati a pulis idiay Los Angeles a nagserbi ti sumurok 18 a tawen.
Nakita iti lugan ti suspek ti maysa pay a paltog ken balbala.
Basar iti inisyal nga imbestigasion a ti suspek ket dimmalan iti psychiatric hospital manipud idi 2023 agingga iti 2024.
