LAOAG CITY – Naipilan ti kaso a frustrated homicide ken panaglabsing iti RA 10591 kontra iti suspek a nangpaltog iti stepson na idi rabii ti Mayo 6 iti Brgy. 32, Cabangaran, Vintar, Ilocos Norte.
Nabigbig daytoy a ni Arsenio Ruda y Sabado, agtawen ti 61, naasawaan ken ti biktima ket ti stepson na a ni Meynard Sabado y Benigno, agpada a residente iti nasao a barangay.
Maipalagip a nakaawat ti tawag ti istasyon ti pulisya iti nasao nga ili babaen kenni Brgy. Chairman Rexie Epifanio A. Camaquin nga adda ti napasamak a pammaltog iti barangay da.
Basar met iti imbestigasyon, rumrumwar nga adda ti dati a riri dagiti dua gapo ta masansan a kurirwen ti biktima ti suspek.
Ummuna iti daytoy, idi nabartek ti biktima ket napan iti ayan ti suspek rason a nagpungtot ken inruwar na ti kalibre 22 a paltog na ken pinaltogan na ti namitlo a daras ti syuman na.
Iti agdama, adda iti kustudyar ti PNP-Vintar ti suspek ken nagtalinaed met iti ospital iti ciudad ti Batac ti biktima ken adda iti natalged a kondisyon.
