LAOAG CITY – Natiliwen ti maysa kadagiti suspek iti napasamak a pammaltog iti Bgy. Baay iti ciudad ti Batac idi Oct. 1.
Binigbig ni P/Supt. Jay Deguzman, Deputy Prov’l Dir. for Administration ti suspek a ni Sherwin Dagupion Renien a taga Badoc, Ilocos Norte ngem natiliw idiay ciudad ti Vigan.
Segun ken ni Deguzman, mismo a ni Teodorico Dagupion, maysa kadagiti biktima ti nangitudo iti suspek a nangpaltopaltog kadakuada.
Kuna na a kalpasan a naamuan da ti nasao nga impormasyon ket insigida a nagtignay ti PNP-Batac a nagturong idiay Vigan City, nakikoordinar da iti PNP-Vigan ken nagturong da iti pagtaengan ti agnagan iti Atty. Marquez iti Bgy. Mindoro iti nasao a ciudad.
Inlawlawag na nga insigida nga insuko ti abogado ti suspek kalpasan a naamuan na ti ranta dagiti pulis ti Ilocos Norte.
Iti agdama, addan iti kustodyar ti PNP-Batac ti nasao a suspek para iti naun-uneg nga imbestigasyon.
Kuna pay ni Deguzman nga agkabagian da Dagupion ken ni Renien.
Maipalagip a napaltupaltugan da Dagupion ken ni Randell Villaruz bayat nga agawid dan manipud iti trabaho da kabayatan a nakalugan da iti kotsebaaben iti “riding tandem criminals” bayat nga adda dan iti paset ti Bgy. Baay iti ciudad ti Batac a pimmusayan ni Villaruz bayat a maag-agasan iti ospital.
