LAOAG CITY – Nagikkat kas lead defense counsel ni dati a Presidente Rodrigo Duterte iti International Criminal Court (ICC) ni Atty. Nicholas Kaufman kalpasan a nagngudon ti maysa a tawen a kontrata na idi Marso 31, 2026.
Iti inpila a resignation ni Kaufman iti ICC a napetsaan ti Mayo 8, inbatad na a napagtulagan da ken ni Duterte nga ileppasen ti professional engagement da.
Naamoan a nakapili metten ti dati a presidente ti baro nga abogado a mangiggem iti depensa na iti sangsangwen na a kaso na a crimes against humanity mainaig iti kontrobernsyal a ‘war on drugs’ iti administrasyon na.
Segun pay ken ni Kaufman, nakasarita nan ti baro a legal counsel ni Duterte ken inpasingkedna nga annungen na a dagus ti kaso, karaman ti isasango na iti sumaruno a trial iti ICC a naka-schedule intono Mayo 27, 2026.
Inpasigurado met ni Kaufman nga adda ti umdas a kapadasan iti ICC ti nangsukat kenkuana a legal counsel ti dati a presideye isut gapuna a saan a maapektaran ti panagtaray ti kaso ni Duterte.
