LAOAG CITY – Inanunsio ni Interior and Local Government Secretary Jonvic Remulla a mangiparuk-at inton bigat ti subpoena ti Philippine National Police (PNP) tapno imbestigaran manen dagiti kaso nga extrajudicial killing (EJK) idi hepe pay laeng ti Davao City Police ken Philippine National Police ni Senador Ronald “Bato” Dela Rosa.
Inlawlawag ni Remulla nga in aid of investigation ken saan a panangarestar ti panangpaayab ken ni dela Rosa iti Philippine National Police.
Kunana a ti imbestigasion ket manipud kadagiti kaso ti extrajudicial killing a rimmuar iti imbestigasion ti Quadcom iti napalabas a tawen.
Saan met nga inlawlawag ni Remulla no adda pay ti dadduma a personalidad ti karaman nga imbestigaran.
Naglikudan ni Secretary Remulla nga awan ti impormasionna mainaig iti Red Notice ti International Criminal Court (ICC) kontra ken ni Dela Rosa.
Naammoan nga awan ti maiwayat a manhunt operation kontra iti senador.
Inpetteng ni Philippine National Police Chief PGEN Jose Melencio Nartatez Jr nga idauluan ti Criminal Investigation and Detection Group (CIDG) ken ti legal team-da ti imbestigasion.
