LAOAG CITY – Sumangsango ti agsusukot a kaso ti suspek iti pannakapalto-paltog iti pamilya Laforga idiay Brgy. La Virgen Milagrosa idiay ili ti Badoc.
Nabigbig daytoy a ni Clarence Bautista y Ladera, agtawen ti 31, naasawaan ken residente iti Brgy. Garreta iti nasao a lugar.
Naipila ti kaso a murder, two counts of frustrated murder, attempted murder ken violation of omnibus election code iti Provincial Prosecutors Office ditoy ciudad ti Laoag babaen ti PNP-Badoc.
Maipalagip a napasamak ti pammaltog idi rabii ti Mayo 3 a nakatayan ni Ramil Laforga, maysa nga x-ray technician ken nakasugatan dagiti annak na a da MelRose ken Rowen Jean Laforga.
