LAOAG CITY – Inpaganetget ni Senate Committee on Women, Children, Family Relations and Gender Equality, Chairperson, Senador Risa Hontiveros nga obligasion ni Alice Guo ken uray dagiti abogadona a respetaren ti linteg ti Pilipinas.
Segun kenkuana, nalawag ti jurisprudence ti Korte Suprema a ti ‘invocation of the right against self-incrimination’ ket mabalin laeng nga usaren no adda inquiry.
Mainaig iti daytoy, nagpadespensar ni Guo gapu iti maipagarup a pangta iti biagna ken kumarkaro ti kasasaad ti salun-atna.
Inlawlawag ni Hontiveros a saan a mabalin nga aramaten daytoy a pambar ti saan a panagatender ni Guo iti hearing da ita nga aldaw agsipud ta daytoy a pambarna ket tapno maliklikan ti imbestigasyon kenkuana.
Innayonna, no talaga a kayatna a dalusan ti naganna, rumbeng nga agparang ken sumungbat a nasayaat ken isardengnan ti agulbod.
Segun iti legal counsel ni Guo a ni Atty. Stephen David a saan a makaatender ti kliyentena gapu iti trauma.
