LAOAG CITY – Naplanon ti gobierno no kasanu a sustiniren ti P20 a presyo ti bagas iti kada kilo agingga iti 2028 wenno ti panagngudo ti termino ni Presidente Ferdinand Marcos Jr.
Segun ken ni National Food Authority Administrator Larry Lacson, addan ti actual a naipalaon a pondo para iti nasao a programa para iti 2026, 2027, ken iti intero a 2028.
Kabulbulon daytoy ti pondo nga ilatang para iti procurement wenno panaggatang ti local rice manipod kadagiti mannalon.
Inbatad pay ni Lacson a nakaplano metten ti binulto a bagas a maiparuk-at manipod 2026-2028, maibasar iti makonsumo ti target a bilang dagiti consumers a masuplyan ti nalaka ti presyo na a bagas.
Inaramid ti National Food Authority Administrator ti nasao a rakurak kagiddan ti ibibisita na iti sumagmamano a bodega ti National Food Authority iti Mindanao ken nakidayalogo kadagiti mannalon ken consumers iti nasao a rehiyon.
Kabayatanna, inlawlawag ti opisyal a ti dakdakamaten ti administrasyon a rice sustainability iti babaen ti nasao a programa ket para iti nasurok a 15.6 million households a target a mabenepisyaran ti P20 Rice Program.
Innayon na a ti nasurok a 15 million household ket immuna a naestablisar a kangrunaan nga agkasapulan unay iti daytoy gapu iti limitado a financial capacitybanag a kayat a masolusyunan ti administrasyon.
