LAOAG CITY – Kinumpirmaran ni Sang. Bayan Secretary Tom Tacata iti ili ti Pasuquin a dimmalan iti swab test ti maysa a kameng ti konseho iti nasao nga ili.
Daytoy ket kalpasan a maysa kadagiti kameng ti konseho ket direct contact ti nagpositibo iti virus.
Segun kenni Tacata, negatibo met ti resulta ti swab test ti maysa a kameng ti Sang. Bayan iti nadakamat nga ili.
Ummuna iti daytoy, kuna ni Tacata a ti maysa a konsehal ket napan iti bangko a pagtrabahoan ti nagpositibo iti virus rason a dimmalan daytoy iti swab test.
Kabayatanna, maituloy metten ti normal nga operasyon ti Sang. Bayan kalpasan ti maysa nga aldaw a panagrikep na kas preventive measure ken balakad kadakuada dagiti contact tracers.
