LAOAG CITY – Awan pulos ti naala dagiti residente iti Barangay Caroan iti ili ti Pasuquin a maysa a milyon a pisos a maipagarop a naggapo iti illgoten wealth iti pamilya Marcos kalpasan ti panagturong da idiay Metro Manila.
Kinumpirmaran ni Barangay Chairman Goerge Ragunjan iti nasao a barangay.
Segun kenni Ragunjan, uray sukat kuma laeng ti plete dagiti kabarangayan na ket awan ti naawat da.
Inbatad na a basar kadagiti istorya dagiti napan ket addan to manen ti panagturong da idiay Manila ken isun ton ti pannakaawat da ti maysa a milyon a pisos.
Kunana a basar pay ti istorya met ti kabsat na a maysa kadagiti napan ket nagmi-meeting da idiay Luneta.
Mainaig iti daytoy, kuna ni Ragunjan a dagiti lider dagiti grupo a manggutgutigut ti maikkan ti leksyon tapno saan a maisagmak dagiti residente.
Naamoan a dagiti tallo a kabsat ni Ragunjan ket karaman kadagiti nagturong idiay Metro Manila.
Kabayatanna, plano ni Ragunjan a kasarita dagiti napan idiay Manila seknan iti nasao a banag.
Uray dagiti kabarangayan ni Bgy. Chairman Ramon Lopez iti Bgy. Elizabeth iti ili a Marcos ket kastoy met ti estorya da nga awan ti naganab da.
