LAOAG CITY – Nagtalinaed iti Mariano Marcos Memorial Hospital and Medical Center iti siudad ti Batac dagiti tallo gapu iti sinagaba da a sugad manipod iti napasamak a desgrasya iti national highway a paset ti Brgy. 16 iti ili ti San Nicolas.
Basar iti PNP San Nicolas, namunganay ti desgrasya kalpasan a nagovertake ti agpapaamianan a direksyon a yamaha mio sporty a motorsiklo nga inturong ni Mark Anthony Pablo y Laceda, agatwen ti 30 ken adda ti lubbon na ken dagitoy ket agpada a residente iti Brgy. 2 ditoy siudad ti Laoag.
Iti panagovertake na ket nasabat na ti agpapaabagatan a direksyon a kurong-kurong nga inturong ni Michael Agustin y Abiva, agtawen ti 30 ken residente iti Brgy. 19 iti ili ti San Nicolas.
Gapu iti daytoy ket nagbaliktad dagiti dua a lugan isut gapu na a nagsagaba ti sugat iti nagduduma a paset ti bagi dagiti maseknan.
Rumrumuar nga adda iti impluwensya ti nasanger ti nangiturong ti yamaha mio sporty.
