LAOAG CITY – Inbasura ti Commission on Elections First Division ti tallo a disqualification cases a naipila kontra ken ni presidential candidate ken dati a Senador Ferdinand Marcos Jr.
Daytoy ti kinumpirmaran ni Comelec spokesman James Jimenez.
Segun ken ni Jimenez, inbasura ti dibisyon ti petisyon da Bonifacio Ilagan, Abubakar Mangelen, ken Akbayan gapu ta nakurang ti merito na.
Ipetpetteng dagiti petitioners a saan a rumbeng a mapalubusan nga agpaidasig a para presidente ni Marcos gapu iti pannaka-kunviktar na iti panaglabsing na iti Internal Revenue Code no sadinno a ti rumbeng a maipataw a pannusa ket perpetual disqualification iti aniaman a posisyon iti gobierno.
Nailanad pay iti petisyon dagiti petitioners nga idi 1995, ti Quezon City court ket kinumbiktaran da ni Marcos gapu iti saanna a panagpila iti income tax return manipud idi 1982-1984.
