LAOAG CITY – Mangiyuswat ti tallo a programa ti City Agriculture Office ditoy siudad ti Laoag kabayatan ti mapaspasangasangan a Pamulinawen Festival intuno Pebrero ita a tawen.
Segun ken ni City Agriculture Engr. Shiela Opelac, karaman kadagiti aktibidad ket ti agro-industrial trade fair a mangrugi intuno Pebrero 2.
Mainaig iti daytoy, kuna na a maiyuswat ti fluvial parade nu sadino a maitampok dagiti motorized bangka manipod iti Brgy. Gabu agingga iti Brgy. Lapaz.
Innayun na a ti maikatlo ket ti pet show a tinawen nga iadadauloan ti opisina da agraman ti city veterinary office. Maipalagip a naiget ti panagsasagana ti sibubukel a lokal a gobierno ditoy siudad ti Laoag kalpasan nga agsublin ti kaadoan nga aktbidad iti Pamulinawen festival ita a tawen.
