LAOAG CITY – Kinumpirmaran ni Barangay Chairman Bobby Raquiño iti Barangay 34-A, Gabu Norte ditoy ciudad ti Laoag a tallo a waiting shed ti naiteppang gapo iti kapigsa ti ayos ti karayan gapo iti bagyo.
Segun kenni Raquiño, gapo iti napigsa nga ayos ti danom manipud iti surong ketnadadael pay ti dike ken in-inot a naregreg dagiti waiting shed.
Malaksid iti daytoy, kunana nga adda pay ti imonmonitor da a maysa a balay gapo ta posible a maregreg daytoy.
Mainaig iti daytoy, inbatad na na adda metten dagiti kabaragayan na a nagbakwit ken nagturong a pay laeng kadagiti kabagyan da iti sabali a barangay ditoy ciudad.
Kabayatanna, kunana a sipud dimmuprak ti Bagyo Egay ket awan pay dagiti nagtaraken ti lames gapo ta naapres ti danom.
