LAOAG CITY – Balligi a natiliw dagiti tallo a Wanted Person gapo iti panaglabsing da iti Presidential Decree 1602 wenno Gambling Law iti ili ti Banna.
Nabigbig dagitoy nga isuda Inocencio Baniaga, 62, awanan ti asawa; Jayson Aloag, agtawen ti 30, naasawaan; kenni Alex, agtawen ti 50, agpapada a residente iti Barangay Macayepyep.
Segun kenni Police Lt. Chester Arellano, ti OIC ti PNP-Banna, dagiti tallo a wanted person ket natiliw babaen ti bileg ti warrant of arrest iti mismo a pagtaengan da.
Ti warrant of arrest ket inparuk-at ni Hon. Marvin Galacgac iti MCTC, Banna-Nueva Era-Banna.
Narekomendaran met dagitoy ti pyansa a 30 a ribo a pisos a pannakawaya-waya da.
Iti agdama ket nagtalined iti kustudiyar ti PNP-Banna dagiti tallo nga indibidual.
