LAOAG CITY – Inpasingked ni Governor Imee Marcos a saggaysaen na a kasarita dagiti tallo a mayor ditoy Ilocos Norte a maipagarop nga adda ti pakainaigan na iti illegal a droga.
Inaramid daytoy ni Marcos kalpasan a naawat na ti narcolist, ngem saanna a makumpirmaran no baro daytoy ken isu met laeng ti listaan ni Presidente Rodrigo Duterte.
Malaksid kadagiti tallo a mayor, kinumpirmaran pay ti gobernador a karaman ti listaan ti nakaad-ado a barangay kapitan ken kagawad.
Inlawlawag ni Gobernador Marcos a napinpintas no saggaysaen na a kasarita na dagitoy tapno ipakita na ti listaan.
