LAOAG CITY – Inbatad ni Police Inspector Joel Corrales, deputy chief of police ti PNP-Bacarra a tumulong ti driver ti kotse a nangdarusdos kadagiti tallo a motorsiklo ken maysa a kurong-kurong idiay Barangay Tambidao iti ili a Bacarra.
Immuna iti daytoy, dinarusdos ti kotse nga inturong ni Mrs. Aurora Mier, agtawen ti 71, naasawaan ken residente ti Barangay Tambidao iti nasao nga ili dagiti napakaparking a lugan.
Daytoy ket kalpasan a nablock-out ti driver isut gapo na a napukawan ti kontrol iti manibela ken idi agpreno kuman ket naladawen gapo ta nadungpar na dagiti lugan nga adda iti igid ti kalsada.
Gapo iti daytoy, naperperdi dagiti lugan ngem kalpasan ti saritaan ket tumulong ni Mier para ti pannakatarimaan dagiti lugan a nadungpar na.
Inbatad ni Corrales a saan a naan-ano ni Mier agraman ti kadwa na nga agtawen ti walo nga ubing kalpasan ti insidente.
Nupay kasta, naikabil latta dagiti maseknan iti Rural Health Unit (RHU) iti nasao nga ili para iti check up.
Innayon ni Corrales a mabalin a nataray ti kotse gapo iti resulta ti insidente
