LAOAG CITY – Nagpilan ti National Bureau of Investigation (NBI) ditoy probinsiya ti kaso kontra kadagiti tallo a pulis ti ili ti Piddig a nakaingkuwentro ni Sherwin Francisco iti Brgy. Gayamat iti nasao nga ili ken dagiti dua a kakadua na itay napalabas a bulan ti Nobyembre itay napan a tawen.
Segun ken ni Atty. Diosdado Araos, Prov’l Director ti National Bureau of Investigation (NBI), maysa a counts ti murder ken dua a counts ti attempted murder ti naipila kontra kada SPO1 Sammy Lucero, PO2 Christian Gay Gabriel ken PO1 Michael Manicdo.
Kuna ni Araos, nagbasar da iti impila da kaso iti piskalya ti probinsiya kontra kadagiti nasao a pulis dagiti naala da a palawag manipud kadagiti kinadua ni Francisco idi kinamat dagiti nasao a pulis ken sabsabali pay a nagalaanda ti palawag nga adda ammo na iti nasao a pasamak.
Maipalagip a napabasol ni Franciscos a nagubor a rason ti nagrepunduan dagiti pulis ken nnagkamatan da iti daytoy inggana a nakamatan da ken maipagarup nga inagawan na ti paltog ni Lucero inggana a naggubal da a poon ti nagputukan ti paltog ti pulis a nakatamaan ti biktima ken pimmusayan na.
