LAOAG CITY – Tallo manen ti pimmusay a nagpositibo ti covid-19 ditoy probinsya.
Dagitoy ket isuda IN-C3425, agtawen ti 66 a babai, residente iti Brgy. 34-B Gabu Norte East, Laoag City; IN-C3528, agtawen ti 82 a lalaki, residente iti Brgy. 13 San Gabriel I iti ili ti Bacarra, ken ni IN-C3549, agtawen ti 71 a lalaki ken taga Brgy. 14 Santo Tomas ditoy ciudad ti Laoag.
Kabayatanna, nairekord met ti 28 a baro a kaso ti covid-19 ditoy probinsya idi rabii a kaadoan ket manipod ditoy ciudad ti Laoag.
Nanayunan ti 14 a baro a kaso ditoy ciudad ti Laoag, idinto a 10 iti ili ti Currimao, dua iti ili ti Pagudpud ken saggaysa iti ili ti Pasuquin ken Burgos.
