LAOAG CITY – Sumangsango iti pannakaitantan ken pananglapped ti treatment dagiti pasiente ti Tuberculosis (TB) gapu iti kurang nga anti-TB medicines dagiti public health centers
Mainaig iti daytoy, no maibusan ti agas para iti Tuberculosis dagiti public health centers, sumango dagiti newly diagnosed patients ti pannakaitantan ti panangirugi ti pannakataming idinto a dagiti manarimaan ti theraphy-na ket maaddaan ti risgo ti prescribed regimen-da, basar kadagiti health professional ken community workers.
Inpaganetget ni Dr. Emmanuel Gutierrez ti TB HIV Innovations and Clinical Research Foundation ti kinapateg ti panangkumpleto ti ti prescribed treatment regimen.
Kunana nga agsubli ti sakit a Tuberculosis no saan nga umno ti panaginum ti agas wenno saan a malpas ti treatment dagiti pasiente.
Ti panagsardeng ti panagagas wenno saan nga umno a panagagas ket palubusanna ti bacteria nga ag-develop ti resistance iti standard antibiotics nga ad-adda a narigat nga agasan.
Inbatadna a ti treatment interruptions ket narisgo saan laeng ti pasiente no diket sabali pay a tao a kabaelan ti maysa a pasiente ti makaakar ti 10 wenno ad-adu pay a pasiente.
