LAOAG CITY – Aggigiddan nga agawid ti Team Philippines a nakipaset iti Paris Olympics inton Agosto 13.
Idauloan daytoy ni Carlos Yulo a nakagun-od ti dua a balitok a medalya manipud iti floor exercise ken vault.
Inbatad ti agtawen iti 24 a ni Yulo ket aggigiddan dagiti atleta ken amin a delegasion ti pagilian nga agawid.
Naammoan nga adda ti maiyuswat nga heroes parade iti panagsublina iti pagilian kas panangsaludar kadagiti amin nga atleta.
Maipalagip nga inrakurak dagiti sumagmamano nga opisial ti Philippine Olympic Committee nga isapinalda ita ti maisayangkat nga heroes parade.
