LAOAG CITY – Rugian ti Team USA ti panagsaganada para iti Paris Olympics ita a bigat, Hulio 7, 2024.
Rugian ti world no. 1 team ti training camp idiay Las Vegas ken inton sumaruno a Huebes, Hulio 11, 2024 ken dagus a makisalip iti exhibition game kontra iti Team Canada.
Mainaig iti daytoy, kas met laeng iti FIBA 2023, agserbi pay laeng a kas head coach ti veteran coach ti Golden State Warriors a ni Steve Kerr.
Buklen ti Team United States America dagiti dadakkel a nagan manipud iti Natioanal Basketball Association a pakairamanan da Stephen Curry, Lebron James, Devin Booker, Anthony Davis, Kevin Durant, Anthony Edwards, Joel Embiid, Tyrese Haliburton, Jrue Holiday, Kawhi Leonard, ken Jayson Tatum.
Inbatad ni coach Kerr, a posible nga agay-ayam ni Lebron James kas point forward ken idauluanna dagiti transition plays bayat a ti 3-point kin ket posible pay nga gaserbi kas off ball offense.
Segun ken ni Coach Kerr, nakasaritana da Curry ken Lebron a dua kadagiti kalalaingan a players iti National Basketball Association.
Nupay kasta, dagiti dua a players ket maibilang a kas ‘generational players’ ti National Basketball Association.
Kabayatanna, segun ken ni Coach Kerr, agpada a maragsakan da Curry ken Lebron nga adda iti maymaysa a team, pakairamanan dagiti dadduma pay a seasoned National Basketball Association players.
