Tallo a nasulinek a lugar idiay Madhya Pradesh ti India ti nagbalin a nalatak gapu kadagiti “school of thieves”, a mangsansanay kadagiti ubbing ti pickpocketing ken panagtakaw babaen dagiti nalalaing a kriminal.
Basar iti impormasion, ti Kadia, Gulkhedi, ken Hulkhedi ket eskuelaan para kadagiti agtutubo a kriminal, ken dagiti nagannakda ket agbayad iti matrikula manipud iti 200,000 agingga iti 300,000 a rupees wenno $2,400 agingga iti $3,600 tapno sanayenda dagiti annakda kadagiti makunkuna a “dark arts” a kas iti pickpocketing, panagtakaw ti bag, bank account thefts, no kasano ti aglibas iti polis ken uray no kasano ti ubraenda no matiliwda.
Kalpasan ti pannakipagkitada kadagiti lider ti gang ken panagbayadda kadagiti kasapulan a matrikula, ibaon dagiti nagannak dagiti annakda iti nadakamat nga eskuelaan iti makatawen tapno makasursuroda ng agtakaw.
No makaturpos dagiti ubbing, umawat ti pamilia ti estudiante iti 300,000 agingga iti 500,000 a rupees manipud kadagiti lider ti gang gapu kadagiti serbisioda.
Nupay ammo dagiti otoridad ti nasao nga aktibidad, saanda a ma-dismantle gapu ta salakniban ti komunidad kadagiti nadakamat a lugar ti gang.
Maibasar iti rekord ti polis, nasurok a 2,000 nga indibidual manipud kadagiti nadakamat a lugar ti addaan iti nasurok a 8,000 a kaso a nairehistro kontra kadakuada kadagiti estasion ti polisia idiay India.
