LAOAG CITY – Nagtalinaed nga undefeated ti Oklahoma City Thunder ita a season ken nakairekord ti maika-pito a panangabak ti (7-0) kalpasan nga inabakda ti comeback attempt ti Orlando Magic.
Naminsan manen a bimmida ti point guard a ni Shai Gilgeous-Alexander iti panangabak ti Thunder ken nagserrek ti 21 points ken siam nga assists pakairamanan ti innem a rebound.
Kimmamada ti 23 points ti forward a ni Jalen Williams.
Nagtultuloy met ti pannakaatiw ti Orlando Magic gapu pay laeng ti saan a panagay-ayam ni Paolo Banchero no sadinno kas kaskukat ni Banchero, nakaaramid ti Magic forward a ni Franz Wagner ti 22 points iti pannakaabak ni Orlando.
Adda pay laeng iti Oklahoma City ti napintas nga opensa no sadinno a 12 3-pointers ti inparuk-atda iti kangitingitan ti laban.
Iti nagbalin a laban dagiti dua, adu a shots ti Magic ti saan a kimmonektar ken dumanon laeng iti 29 ti naiserrekda manipud iti 82 attempts.
Iti uneg ti pito a nagsasaruno nga ay-ayam ket naipangabak ti Oklahoma City ken naaramid ti koponan a mangabak babaen ti average a 10 points a lamang.
