LAOAG CITY – Nagballigi dagiti otoridad a nangarestar ti maibilang a Top 3 Most wanted Person iti mismo a pagtaengan da iti ili ti Solsona.
Daytoy ti inpakaammo ni Police Lt. Belen Baoit, ti Officer-In-Charge iti PNP iti ili ti Solsona.
Segun ken ni Baoit, ti suspek ket agtawen ti 27, lalaki ken residente iti Barangay Maan-anteng ti nasao nga ili.
Naarestar ti akusado babaen ti bileg ti maysa a warrant of arrest nga inparuk-at ni Hon. Judge Johnson Balino Padre iti RTC Branch 13 ditoy ciudad ti Laoag gapu iti kaso na nga attempted murder.
Nairekomendar ti 120 ribo a pisos a pagpiyansa ti akusado para iti temporaryo a pannakawaya-waya na.
