LAOAG CITY – Nagballaigi dagiti kameng ti Philippine National Police nga idadaulwan ni Police Major Jonevalle Maramag, ti chief of police iti ili ti Marcos a nangtiliw iti maibilang kas Number 6 Most Wanted person ditoy probinsya.
Ti akusado ket agtawen ti 23, baro, construction worker ken residente iti Sitio Cabarwan, Barangay Lydia iti ili ti Marcos.
Natiliw ti akusado babaen ti bileg ti warrant of arrest nga inparuk-at ti Regional Trial Court, Judicial Region Branch 11 ditoy ciudad ti Laoag gapu iti kaso na a panagrames.
Naamoan nga awan ti nairekomendar a pagpiyansa ti akusado iti sangsangwen na a kaso.
Rumrumuar a ti nagbalin a biktima ti akusado ket maysa a menor de edad no sadinno a napasamak ti krimen iti napalabas a tawen.
Iti agdama, nagtalinaed ti akusado iti kustodyar ti Philippine National Police iti ili ti Marcos ken manamnama a maidatag daytoy iti naggapwan ti warrant of arrest.
