LAOAG CITY – Inalay-ayan ti International Criminal Court (ICC) ti panagdanag dagiti naapektaran a komunidad ken member state a posible a saanen a maituloy ti panagdengngeg kadagiti kasoda kalpasan ti pannakaikkat ni prosecutor Karim Khan.
Naikkat ni Khan kalpasan a napaneknekan a guilty iti serious misconduct ken breach of duty.
Basar iti International Criminal Court, bigbigbigenda ti desision ti Assembly of States Parties no sadinno a nagbutos dagiti miembro daytoy idi Biernes tapno mapadisi ni Khan.
Umabot iti 82 nga assembly iti 152 a miembreo daytoy ti nagbutos para iti naan-anay a pannakaikkat ni Khan iti inwayat a secret ballot voting iti headquarters ti United Nations iti New York.
Inbatad ti International Criminal Court nga agtultuloy latta ken saan nga agsardeng dagiti kaso a dengdenggenda a ti tumakder kas kasukat ni Khan ket dagiti deputy prosecutors.
Agtalinaed met iti puesto da Deputy Prosecutors Nazhat Shameem Khan ken Mame Mandiaye Niang.
Maipalagip a ti agtawen ti 56 a ni Khan ket nagikkaten iti trabahona idi pay Mayo 2025 kalpasan nga inwayat ti imbestigasion gapu iti alegasion ti panangdangran iti maysa a babai nga staff daytoy.
