LAOAG CITY – Maluksaw ni Mrs. Tesie Rosales, ti presidente ti Sanjera De Nal-Pan Pump Irrigators Associations Inc. iti Barangay Nalasin iti ili ti Paoay iti napasamak iti asoyasyon da gapo laeng iti maysa a tractor nga inpaay ti Dept. of Agrarian Reform (DAR).
Segun kenni Rosales, idi Hunyo 22, 2021 ket inpaay ti DAR ti maysa a tractor para iti asosasyon da ngem idi Hunyo 23, 2021 ket napan innala dagiti sumagmamano nga opisyal a saan a naipakada kenkuana kas presidente.
Kunana a naduktalan na a dagiti maipagarop a napan nangala iti tractor ket ni Mr. Ferdinand Fernadez a bise presidente ti asosasyon, Julie Dumaoal a treasurer ken ni main operator a ni Gilbert Dumaoal, ken saan da nga inpakpakkamo ti nasapulan ti tractor.
Gapo iti daytoy, indanon da daytoy iti DAR ngem iti namitlo a daras a panagsasarita da iti barangay ket awan ti pinal a desisyon wenno solusyon iti problema da, ken adda ti inaramid ni Kapitan Noel Quemado a Certificate to File Action ngem inbatad ti korte a mapan da nga ummuna iti pulis ngem ti binrok ti PNP ket ti pammaneknek a naited kadakuada ti tractor nga isu ti saan da a naipakita gapo ta saan met a naited kadakuada ti dokumento a pinirmaan da.
Mainaig iti daytoy, kunana a nagsurat da iti regional office ken iti panagsasarita da manen ket naibaga ti bise presidente a kukua da laengen ti tractor ngem inbaga ti binigbig ti nga Atty. Lara a saan a mabalin ken naibalakad nga agre-elect da ngem saanen a kayat dagiti dadduma a miembro gapo takaykayat dan ti agikkat.
Kalpasan daytoy, kunana a nakita da langen iti facebook a napirma ni Fernandez iti DAR kas baro a presidente ti asosasyon.
Kabayatanna, kalikagom da a maipadanon daytoy a bang iti main office tapno masolbar ti problema da ken uray saanen a maisubli ti tractor kadakuada.
