Vouchers a naibunong kadagiti mannalon nga isakada da para iti abono, naladaw unay – NMCIA Pres

LAOAG CITY – Naladaw unay ti pannakaibunong dagiti vouchers nga inpaay a tulong ti gobierno nga isakada dagiti mannalon para iti abono.

Daytoy ti inbatad ni Mr. John Rey Salud, ti Presidente ti North Main Canal Irrigators Association iti ili ti Vintar.

Sakop ti nasao nga asosayon iti ili ti Vintar, Bacarra ken Pasuquin.

Segun ken ni Salud, ti paggaammo na ket maibunong koma ti voucher idi Pebrero ita a tawen ken ti pangisukatan da koma nga abono ket usaren da para iti 2^nd crop.

Nupay kasta, kuna ni Salud a naladaw a naited kadakuada gapu ta nakaabono da aminen a miembro ti nasao nga asosasyon idi naawat da ti vouchers da.