LAOAG CITY – Balligi ti naiyuswat a tree planting activity iti ili ti Carasi.
Daytoy ti inpakaammo ni Dr. Michael Pol Bueno, ti Presidente ti Ilocos Norte College of Arts and Trades Batch 1996.
Segun ken ni Bueno, naiyuswat ti tree planting iti maysa a protected area a masakupan ti Brgy. Birbira ti nasao nga ili.
Inbatadna a kabinnulig ti INCAT Batch 1996 iti nasao nga aktibidad ket ti Department of Environment and Natural Resources ken dagiti sumagmamano a residente iti nasao nga ili.
Inlawlawagna a narra seedling amin dagiti inmulada ta al-alisto a dumakkel ken agbalin nga eco park iti masungsungad nga aldaw.
Kabayatanna, ti nasao nga aktibidad ket addaan ti tema a Planting Trees Together for a Greener Future.
