LAOAG CITY – Naglikudan ni Mr. Celestino Gambalan, presidente ti grupo dagiti traysikelan iti Barangay Pimentel iti ciudad ti Batac a nabartek idi pinayapayan na ti ubing tapno bumallasiw iti kalsada.
Segun kenni Gambalan, gapo ta kinasarita ida ti kapitan a tumulong a mangpa-ballasiw kadagiti ubing iti kalsada ket inaramid da laeng ti naibilin kadakuada.
Inlawlawag na a ti laeng ammo na a rason no apay a naireklamo ket ti panangdillaw da iti ubing a madi ti panagsungbat na kadakuada.
Inpetteng na pay a saan na nga inbagbaga nga awan ti makwarkwarta ti ubing a kas iti naipadanon a reklamo.
Maipalagip a naibilin kadakuada a tumulong a mangasistir kadagiti ubbing a bumallasiw iti kalsada gapo kadagiti aglabas a nagduduma a klase na a lugan.
