LAOAG CITY – Nagballigi dagiti kameng ti Philippine National Police (PNP) a nangtiliw ti maysa a wanted person idiay Vintar, Ilocos Norte.
Nabigbig daytoy a ni Alwyn Pasion, agtawen ti 39, addaan ti live-in partner, maysa a tricycle driver ken residente iti Barangay 12, Namuroc ti nasao nga ili.
Natiliw ni Pasion babaen ti bileg ti maysa a warrant of arrest nga inparuk-at ni Hon. Judge Conrado Ragucos iti RTC Branch 15 ditoy ciudad ti Laoag gapu ti kaso na a rape.
Naamoan nga awan ti nairekomendar a piyansa ti sangsangwen na kaso ni Pasion.
Segun ken ni Police Chief Inspector Jayson Batuyon, chief of police iti ili ti Vintar, ti suspek ket maipagarop a rinames na ti stepdaugther na idi 2016.
