LAOAG CITY – Irakurak ni United States President Donald Trump ti mapagnunumoanda iti Harvard University inton sumaruno a lawas.
Daytoy ket tapno masolbar ti kampania ti White House kontra iti maibilang a kataengan ken kabaknangan nga unibersidad.
Basar iti post iti social media ni Trump, nangipangato ti namnama ti maysa a katulagan iti pagadalan ti Ivy League a nangidarum kalpasan a ti administrasionna ket pinasardengna ti binilyon a dolyar a grant a naited iti Harvard ken immakar tapno lapdanna ti unibersidad a mangawat kadagiti gangannaet nga agad-adal.
Segun iti Republican president’s administration a nainkalintegan dagiti tignayna kontra iti Harvard maiyataday kadagiti alegasion pakairamanan ti saan nga umdas ti ar-aramiden ti unibersidad a manglaban iti antisemitic harassment iti campus.
Inlawlawag ni Trump a ti administrasionna ket mangsolsolbar kadagiti “improprieties” idiay Harvard.
