LAOAG CITY – Nagbalin a nabunga ti naiyuswat a panagsarita iti telepono da United States President Donald Trump ken sumagmamano nga European Leaders.
Naisayangkat ti panagsarita sumagmamano nga aldaw sakbay ti naikeddeng a panagkita iti personal da Trump ken Russian President Vladimir Putin iti Anchorage City idiay Alaska.
Nangipaay ti suporta ni Trump iti gakat ni Volodymyr Zelensky a nasken ket maaddaanen ti ceasefire ken masigurado ti seguridad.
Inpasingked met ni German Chancellor Friedrich Merz a kaduana dagiti sumagmamano a lider lider ti Europa nga agbalin a napintas ti taripnong da Putin ken Trump no sadinno a magun-od ti pudno a kinakappia.
