LAOAG CITY – Inkiddaw ni United States President Donald Trump a nasken a maaddaan ti panagsinnarita ti Israel ken Iran tapno makissayan ti tension iti dua a pagilian.
Agtultuloy ti panangiwayat ti rockets ti nasao a dua a pagilian a basar iti Iran nga addaan ti 128 nga indibidual ti natayen gapu iti panangatake ti Israel idinto nga adda ti 10 a tattao met ti pimmusay.
Inpaganetget ni Israeli Prime Minister Benjamin Netanyahu a ti isyu ita ket saan a ti panangpababa ti tension no diket ti panagpasardeng iti Iran nga agaramid ti nuclear weapon.
Inpasingked ni Netanyahu a saanda a kalikagum a mairaman dagiti sibilian idiay Iran.
Inpannakkelna nga adda ti koordinasionda iti Estados Unidos para iti panangatake ti Iran.
Maipalagip a naruay a world leaders metten ti nagpanawagan iti Iran ken Israel nga agsarita latta dagitoyen.
