LAOAG CITY – Insigida a linippasen ken saanen a naaddaan pay ti interes ni United States President Donald Trump ti trade-talk idiay Canada.
Daytoy ket kagiddan ti panangipatungpal ti Canada ti digital service tax iti technology companies manipud idiay Estados Unidos.
Inbatad ni Trump a ti panagbuis daytoy ti Canada ket maysa a direkta a panangatake iti Estados Unidos isu nga insigida a pinutedna ti aniaman a trade talk iti Canada.
Kunana a kadagiti sumaruno nga aldaw a maammoan no mano ti taripa nga ipataw ti Amerika iti Canada.
Iti Digital Service Tax Act ti Canada a singirenda ti tallo a porsiento dagiti digital services.
Naammoan a mangrugi ti panagsingir ti Canadian federal government inton bigat, Hunio 30.
