LAOAG CITY – Inlawlawag ni Mayor James Bryan Alcid a dagiti pay laeng ubbing nga addaan ti rangkap ti bagina ditoy ciudad ti Laoag ti prayoridad iti Project Aruga Program.
Segun kenni Alcid, dakkel a tulong ti pannakikammayet iti Department of Social Welfare and Development iti lokal a gobierno ditoy ciudad iti pannakaimplementar ti nasao a programa.
Kunana a dati ket medical laeng iti maipaay kadagiti Persons With Disabilities ngem ita ket karaman payen ti tulong pinansyal, panagadal ken dadduma pay babaen ti tulong ti Project Aruga.
Immuna iti daytoy, nagpinirma ti Memorandum of Agreement ti gobierno lokal ditoy ciudad ken ti Department of Social Welfare and Development para iti nasao a programa.
