LAOAG CITY – Possible a trataren iti taripnong iti nagbaetan da Chinese President Xi Jinping ken Russian President Vladimir Putin ti gubat iti Ukraine.
Daytoy ket kalpasan nga adda ti report a nakadepende ti Russia iti exports ti China kas ti dual-use items ken drone components, tapno masustinir ti military operations da iti Ukraine.
Nupay nagtalinaed a “neutral” ti China iti gubat iti nagbaetan ti Russia ken Ukraine, ket agpanpanawagan ti nainkapiyaan a panangsolbar ti riribok iti babaen ti dayalogo.
Iti baet daytoy, kinondenar met ti China ti panangipataw iti Western sanctions kontra it Russia nga inawagan na nga illegal ken saan a nainkalintegan.
Malaksid iti isyu ti gubat iti Ukraine, sumagmamano pay kadagiti napapateg nga isyu a possible a trataren ti dua a lider ti pannakaipadalan iti trade relations iti nagbaetan ti dua a pagilian, kangrunaan na ti massive energy supplies ti Russia karaman ti oil ken gas iti baet ti krisis iti Strait of Hormuz.
Daytoyen ti maika-25 nga official visit ti Russian President iti China, ti kaunaan a foreign visit ita a tawen.
Ti met summit iti ngbaetan da Xi ken Putin ket sumagmamano nga aldaw laeng kalpasan ti panagbisita ni US President Donald Trump iti China.
