LAOAG CITY – Inakusaran ni Ukrainian President Volodymr Zelensky ti Russia nga agar-aramid ti wagas tapno saan a matungpal ti panagkitada ken ni Russian President Vladimir Putin.
Inbatad ti Ukrainian President a maipagarup a balbaliktaden dagiti sumagmamano nga opisial ti Russia ti situasion uray isuda ti saan a mangayat nga agngudo ti rinnupak.
Immunan nga inadmitir ni United States President Donald Trump a narigat a pagsangoen dagiti lider ti Russia ken Ukraine.
Maipalagip nga iti napalabas a lawas idi nagkita ken nagsarita da Trump ken Putin idiay Alaska.
Kabayatanna, kalpasan ti sumagmamano nga aldaw ket binisita met ni Zelensky pakairamanan dagiti sumagmamano a lider ti Europa ni Trump tapno ilungalong ti ceasefire ken malpasen ti gubat.
