LAOAG CITY – Manamnama a bumisita iti White House ni Ukrainian President Volodymyr Zelensky.
Kadua ni Zelensky a makasango da United States President Donald Trump, dagiti lider ti United Kingdom, France, Germany, Italy, Finland, European Commission ken North Atlantic Treaty Organization.
Naiyuswat ti nasao a taripnong kalpasan ti personal a panagkita da Trump ken Russian President Vladimir Putin.
Naammoan a matalantan ti nasao a taripnong ti naan-anay a panaglippas ti gubat iti nagbaetan ti Ukraine ken Russia.
Naglikudan met ni United States Secretary of State Marco Rubio nga isu a kuyugen dagiti European Leaders ni Zelensky ket tapno saan nga i-bully ni Trump daytoy.
Maipalagip nga iti umuna a daras a panagbisita ni Zelensky iti White House ket naaddaan ti nabara a panagsinnungbatda ken ni Trump mainaig iti panangilungalong ti ceasefire.
