LAOAG CITY – Umabot iti 15 a tattao ti natay idinto a naruay a sabsabali dagiti nasugatan kalpasan a nagswek ti Bolivian air force cargo plane iti laud a paset ti ciudad ti El Altohe idiay Bolivia.
Basar kadagiti aviation officials, naggapo ti nasao nga eroplano iti ciudad ti Santa Cruz ken apaman a nakadanun iti ciudad ti El Alto ket rumrumuar a naigalis iti runway ken naidungpar kadagiti behikulo nga adda laeng iti asideg na.
Kinumpirmaaran ti Bolivian Defense Minister a ti C-130 Hercules ket nagibiyahe ti banknotes wenno dagiti papel a kwarta iti Central Bank ti Bolivia.
Naamoan a walo a tattao dagiti nakalugan iti nasao nga eroplano idi napasamak ti insidente.
Mainaig iti daytoy, nagusar dagiti pulis ti tear gas tapno mawara ken mapaksiat dagiti tattao a nanggandat a mapan agpidot kadagiti naitaytayab a kwarta iti nadakamat a lugar.
