LAOAG CITY – Umaboten iti nasurok a 18 a ribo nga estudyante ti naipaayan ti Department of Social Welfare and Development (DSWD) ti educational cash aid iti intero a rehiyon uno.
Daytoy ti inbatad ni Miss Anniely Ferrer, ti Assistant Regional Director for Administration DSWD Field Office I iti uneg ti tallo a sabadon a panagibunong da ti tulong pinansyal para kadagiti kwalipikado nga estudyante.
Iti agdama, kuna ni Ferrer nga adda pay ti 56-milyon a pisos a nabati a pondo iti opisina da para iti maipaay nga educational assistance iti intero a rehiyon uno.
Innayon na nga ado pay dagiti manamnama a maipaayan ti tulong pinansyal nga estudyante.
Mainaig iti daytoy, immapela ni Ferrer iti naan-anay a pannakaawat ti publiko no saan a dagus a maipaay ti educational assistance gapu ta malaksid a bassit da laeng nga agpapaay iti DSWD ket ado pay dagiti dadduma a programa da.
