LAOAG CITY – Umaboten ti 368 a barangay ti naideklarar a drug cleared barangay ditoy Ilocos Norte.
Daytoy ti inbatad ni Agent Darnell Bakate, ti Provincial Officer ti PDEA ditoy probinsya.
Inbaga na nga iti agdama ket adda pay ti 28.91% wenno 157 barangays a masapol a madalusan kontra iti illegal a droga ditoy probinsya.
Mangnamnama ni Bakate a maideklarar amin a barangay ditoy probinsya kas drug cleared barangay agingga intono disyembre ita a tawen.
Kabayatanna, inbutaktak ni Bakate nga adda pay laeng dagiti sumagmamano nga ili a saan nga aktibo iti programa ti PDEA kontra iti illegal a droga.
