Firefighters watch the Bear Fire approach in Oroville, Calif., on Wednesday, Sept. 9, 2020. The blaze, part of the lightning-sparked North Complex, expanded at a critical rate of spread as winds buffeted the region. (AP Photo/Noah Berger)

LAOAG CITY – Umaboten ti nasurok a 3-milyon nga ektarya ti nauram iti agtultuloy a wildfire idiay California.

Daytoy ti inbaga ni Mrs. Teresa Bolusan, taga Ilocos Norte ngem agdama nga agnanaed idiay Los Angeles, California.

Segun kenkuana, umad-ado dagiti residente manipod iti Southern ken Northern California a maibakbakwit ken arigna saanen umanay dagiti evacuation centers.

Inbatad ni Bolusan nga adda met dagiti tulong nga ipapaay ti gobierno ti Estados Unidos kadagiti residente a naapektaran ti wildfire.

Kabayatanna, inpakaammo ni Bolusan nga adon dagiti negosyo a naapektaran sipud nangrugi ti covid-19 pandemic ken sinaruno ti nalawa a wildfire iti nasao nga estado.